聖誕假期結束，港股交投淡靜，全日成交只有219億元，恒指升咗144點，報收14328，明日大除夕半日市，港股可能要到下周成交先會多番。
滙控（005）近日一直被大行唱話佢唔掂，但係股價就好硬淨，個市隨時會由滙控帶動挾上。
花旗嗰邊仲等緊奧巴馬上台做番齣好戲，不過以色列突然向加薩狂轟濫炸，市場嘅焦點可能會去番油價，大家要留意事態發展。
中交建C輪14972：中交建（1800）昨收9.33元，升4.4巴仙，股價跌落條100日線之後橫行咗3日，噚日有迹象整固完再升，升破10.40元就睇12元，短炒可以諗吓隻C輪14972，昨收29仙，有效槓桿2.2倍。
正股升上12元，14972可見48.9仙，正股跌穿8.50元，就沽咗隻輪止蝕。
俊樺