雖然08年已近尾聲，但係美股仲未見好友有大型嘅反攻行動，道指前晚又跌，如果唔係啲油股同資源股撐住，跌幅唔會咁細。
以色列炸加薩，油價就借勢反彈，技術上仲有上升空間，短期內都會係市場嘅焦點，金價亦有機會再試高位。
港股仍然靜到暈，噚日成交叫做多咗啲，但係只得263億元，睇嚟成交短期難大幅增加。明日就係新一年，預祝大家喺新一年有好嘅投資成績。
紫金C輪14210：紫金（2899）昨收4.69元，逆市升3.3巴仙，開始向上拋離條10日線，走勢幾靚，可以諗吓隻C輪14210，隻輪昨收9.7仙，有效槓桿2.4倍。此輪係價外輪，但年期長，可以揸耐少少，博正股升上6元，隻輪睇17仙樓上，如果正股跌穿4.20元，就沽咗隻輪止蝕。
俊樺