品牌背後：海洋之星

好東西自然多人用，過萬蚊個LV手袋可以用十年，計落條數都抵，至少可以保值嘛。用護膚品都係同一道理，價錢貴當然有原因，正所謂物有所值，人哋話用過皮膚越來越靚，妳自然會仆去試！不過，好似LaMer咁矜貴嘅Skincare就未必俾妳隨時買到，鍾意用佢嘅明星名人數之不盡，佢有幾神奇，齊齊嚟探索海洋奧秘啦！

記者：陳諾堯
攝影：陳陶鈞

排隊買萬能膏

講到LaMer中最犀利最出名嘅產品，就非Cr囗medelaMer莫屬，星級化妝師如Zing、RickChin、WillWong、OmixB、AndyLeung等，都會幫阿Sa、林嘉欣、鍾嘉欣、黎姿、孫燕姿等等紅星用來打底後才上粉，咁多化妝師都用佢，一定有佢勝人一籌之處。LaMer始創人MaxHuber博士是美國太空總署物理學家，他用了足足長達12年時間研製Cr囗medelaMer。事緣一次實驗室意外爆炸，令他面部滿佈傷痕，居住於南太平洋的他，發現當地收割海藻的漁民，無論臉上多麼蒼老，雙手肌膚都很幼嫩，由那時開始，Max開始用海藻研製醫學材料。經過六千次實驗，Cr囗medelaMer終於1960年成功推出。用過嘅人都大讚佢係萬能膏，有超保濕、修護、止痕和去印功能，除了搽面之外，全身都啱用，從此得到極好的口碑。不過，想買Cr囗medelaMer嘅人一般都要排WaitingList，因為海藻每年只會收割兩次，因此經常斷貨，想用好嘢就要等吓啦！

MiracleBroth囗活膚精華係Cr囗me嘅靈魂，為了令佢保持最佳狀態，每瓶Cr囗me都係人手入樽㗎！

■質地比平日用開的Cream較厚身及凝固。

■慢慢打圈搽上手，感覺好快吸收，即時感到滋潤。

■搽了Cr囗me的左手明顯較有光澤，幼紋少了亦十分滋潤。

保濕液一個月賣斷

LaMer最近新產品TheHydratingInfusion保濕液，今年9月喺香港推出，不足一個月已經賣斷市，威力相當驚人！呢支保濕液有MariponicAlgae成份，提煉成酵母後可令肌膚更有質感，加上LaMer獨有的DeconstructedWatersTM養份輸送系統，令成份直達肌膚並能提升Cr囗medelaMer功效。除了HydratingInfusion受歡迎之外，品牌的TheConcentrate都有好多Fans，就連皮膚滑到漏嘅劉美君最近都愛上它，話用咗之後倦態一掃而空。TheConcentrate係專為脆弱和受過特別療程後嘅皮膚而設，係超濃縮版嘅Cr囗medelaMer，聲稱可減退瘡疤痕迹，有特別的修護功能。

護膚粉底

品牌四十多年歷史，只得三十多件產品，明顯貴精不貴多，好嘢可以一世都用。一向堅持唔出Makeup的終於06年9月推出粉底系列，但品牌都唔承認其粉底係Makeup，只當是有保濕修護功能的Skincare，亦即品牌所稱的Skincolor。Skincolor共5色，包括Creme、Buff、Ivory、Linen和Sand，其中Linen和Sand是專為亞洲女性而設，只限亞洲有售，明星周迅就係Skincolor嘅粉絲。

TheTreatmentCr囗meFoundationSPF15$780/30ml

含晶石粒子和BlueAlgaeLifeFerment等，令肌膚色調更自然剔透，具強效全面覆蓋能力。