就算DSLR越來越見普及，一般人始終唔會花6萬幾蚊去買部相機，說的是Nikon新作D3X。當然，去得這種價錢一定是給商業攝影用，影來出海報。而且當Canon和SONY都出了突破2千萬像素的旗艦作時，Nikon又點可以唔出埋一份。
事實從外觀上，D3X和D3沒有多大分別，重量尺寸也近乎一樣，LCD也一樣是3"TTF。現在D3跌價至3萬頭，咁D3X多了3萬幾出來買佢啲乜？買佢2,450萬的有效像素，35.9×24mm的全片幅CMOS，前作D3只到1,210萬有效像素，作為旗艦級，對比對手牌子，無疑失色了點。但值唔值，睇你工作有幾大需要和有幾專業。至於其他改動，也不見得多，跟D3比較最明顯的是感光值上，舊作基本是ISO200到6400，新的D3X由ISO100到1600，的確是調低了，但可擴展ISO也由D3的100，更可低調至50，用作長時間曝光有實際作用。
記者：陸俊雄
