吳亭欣（LuLu）早前被指介入富商馮潮澤的婚姻，為了淡忘是非，日前她與家人到海南島度假，吳爸爸更要女兒一嚐炒沙蟲滋味，揶揄她斬腳趾避沙蟲，令她倒胃。當LuLu得知啜爆倪震的城大辣妹張茆也來自海南島，她即謂難怪到處都碰到靚女。
近日被指捲入顧美華妹夫、富商馮潮澤婚姻的吳亭欣，日前為避是非到了海南島旅行，過了一個寧靜的聖誕假期。LuLu雖備受顧美華連番炮轟為第三者，但無損她的旅行雅興，與父親、母親和胞弟一家四口敍天倫。
「以為係炒蟶子」
LuLu昨日在電話中說：「聖誕呢個溫馨節日，梗係最好同屋企人一齊過，呢次仲係爹哋畀錢請我哋去，佢知我早排面對好多負面新聞唔開心，咪請我出埠玩吓，好慶幸屋企人一直好支持我。」
問到旅行期間有何趣事發生？LuLu自爆遭父親大整蠱，她說：「爹哋點咗炒沙蟲，我以為係炒蟶子，食落發覺唔同味，爹哋揭盅後，仲講爛gag話呢啲咪係斬腳趾避沙蟲嘅沙蟲囉！聽見都覺得核突，我即刻停晒筷唔敢食落去。」
穿上低胸裝晒34C咪咪的LuLu盡情享受陽光與海灘，她極力推介大家到海南島遊玩。當記者告知那裏是倪震在夜店啜爆城大女生張茆的家鄉，LuLu即說：「唔怪得街上撞到好多靚女啦！」
盼09遇真命天子
到海南島觀光，LuLu除了大啖美味海鮮，還到了熱點天涯海角，她說：「嗰度真係好靚，好希望09年是非遠離我之餘，又可以搵到個真命天子陪我重遊天涯海角。」
採訪：比華利