上周港股雖然只得兩個半交易日，但係跌幅唔細，平安夜半日市恒指曾經跌穿50日線，好彩識得拗腰大翻身，最後跌幅大為收窄，否則技術走勢就變得好曳。
花旗股市上周五靠穩，下個月20日奧巴馬上場，喺呢個日子前後，花旗股市可以審慎看好。港股今日復市，應該可以食住上日反彈嘅勢造好。
H股早排升咗唔少，近期軟番啲，不過大形勢仲係向好，短線可以炒個別，不妨吼吓六行三保。
國壽C輪15464：國壽（2628）上日報收22.75元，微升0.6巴仙。早前反彈到100日線受阻，顯著回落，不過上日已經回穩，料會再試100日線24.70元，破位睇27元，可以諗吓隻C輪15464，現價38仙，有效槓桿3.1倍，正股升上27元，15464可見63仙，正股跌穿21元就沽咗隻輪止蝕。
俊樺