張茆昨日就偷啜事件首次發出聲明，澄清部份傳聞，又承諾以後會用心完成學業，對此大部份城大學生昨日表示支持張茆重返校園，希望她能真的完成學業。
陳小姐：
「雖然校方聲譽係有影響，但如果佢係讀書都會支持，但為咗媾仔就唔好啦，你知我哋係讀書㗎啦！我本身唔識佢，但睇過佢啲相真係幾索啊！」
關先生：
「我會支持佢返嚟，始終佢係大學生應該要完成學業，而且呢件都係私事，雖然校方聲譽係有影響，但我覺得係傳媒過份暴露城大個名。」
余先生：
「其實佢又唔係做咗乜嘢衰嘢，咁樣就唔返嚟讀書有啲唔值得，唔好因為呢種事而影響讀書，我又唔覺得校方聲譽有乜嘢影響。」
郭先生：
「雖然佢返嚟係有困難，但我覺得需要去面對，唔應該逃避，要承受佢所做嘅嘢，所以佢返嚟都應該。」
