張繼聰成日都被人話佢要靠老婆謝安琪養，之前佢同師妹王若琪（右二）幫唱片舖做開幕時，承認曾經為咗呢件事有唔開心過，不過佢認為太太成績好係實至名歸，而自己都有個歲半嘅囝囝支持佢嘅音樂，張繼聰話：「我始終係個男人，總有一日大家會以張繼聰嘅老婆嚟形容我太太。」其實清者自清，不過有志氣都係好事。