跳水皇后郭晶晶又攞第一！小童群益會上個月由364個青衣區嘅小學生每人10票選舉最喜愛運動員，晶晶以290票當選第一位，緊隨其後係273票喺今屆奧運飛唔起嘅劉翔，風靡萬千少女嘅「超級丹」林丹以261票排第三。香港運動員有四位打入十大，分別係乒乓孖寶李靜、高禮澤，黃金寶同王晨。
負責調查嘅社工話，同學仔投票嘅準則似乎係運動員嘅知名度同傳媒曝光率。八方估計晶晶成日上娛樂版都係一個因素。小童群益會最近又搵咗幾個小學生訪問十位同京奧有關嘅人，包括運動員、義工同記者，將佢哋喺京奧嘅經歷寫出嚟，出版成《「友善和諧香港精神」十個奧運精神》。