伊能靜同黃維德傳出緋聞，做老公嘅庾澄慶（哈林 圖）前日喺上海錄影節目《舞林大會》。哈林氣色唔錯，但就戴眼鏡兼壓低帽子，又用背部對住記者，拒絕訪問。佢喺台上大唱《愛你的只有一個我》，小瑪歌覺得佢好似想憑歌寄意喎。哈林仲話：「這次來《舞林大會》是兌現我的承諾，今天我來了。」主持人曹可凡仲先後讚哈林同伊能靜，又話為咗佢哋，黃維德要求上節目，都俾佢拒絕咗。