自從TripleO、BurgerKing等漢堡包店登陸香港後，開發了貴價美式快餐的市場，近日經濟不景，亦阻擋不了這股熱潮，幾間美式食店於近月開業，當中有過江龍，亦有本地薑，共通點都係一擊即中，生意好到做唔切，成為逆市奇葩。無論沙律、薯條、雞翼，靠的都是秘方混醬！而且越撈越hot﹗
記者：吳允冲
攝影：伍慶泉、楊錦文、吳允冲
長龍即切薯條
當台灣來的愛爾蘭瘋薯熱潮漸漸退卻，從加拿大來的NewYorkFries才進軍香港，甫開張已經引來長長人龍。NewYorkFries主打三款混醬薯條，熱賣的Poutine是加拿大魁北克的經典口味，在薯條上淋上濃厚的牛肉汁（Gravy），BabyWhiteCheddar芝士粒是加拿大貨，口感似Mozzarella但味道更濃。醬汁講究，主角薯條都是精心製作，以新鮮美國薯仔原個切成，不同坊間多用急凍薯條，連皮炸的薯條薯味特別香濃，而且即叫即炸，熱辣辣的幼身薯條表面香脆，而且炸薯條的油都是葵花籽油及橄欖油，不含反式脂肪，健康得多。
a.南非遊客Samantha：
「我鍾意VeggieWorks有好多鮮茄，而且呢度海景好靚。」
b.室外座位的無敵大海景吸引不少遊客慢慢嘆。
c.陳先生：
「我喺加拿大返嚟，好開心NYF開到嚟香港，味道同加拿大的一樣。」
NewYorkFries(31064686)
尖沙嘴海港城港威中心2602號舖
20款醬即撈沙律
可有想過食沙律都可以大魚大肉？來自美國阿特蘭大的Dressed就改變了沙律是rabbitfood的印象，絕對是美式大堆頭，五款菜、七十多款配料、二十種醬汁，就連芝士也有七種任揀。選擇多之餘，份量亦屬巨型，一碟沙律份量足足有42oz，大得可以二人分享，加上肉類選擇多，有炸雞、烤牛扒、燒蝦等十款，食肉獸也一定吃得飽。Dressed的沙律方程式就是：菜+4款配料+醬汁（$58），客人可以依自己的口味創作，有如車仔麵。若然唔想諗，亦可以選擇大廚配搭好的沙律，像五星沙律（$78），內有烤牛扒、羊奶芝士、煙肉、車厘子亁、蘆笋等，不同的味道在口內爆發，配合得很有心思。
每日中午店裏都擠滿了人，最高峯時一個下午可以賣出500份沙律，難怪開業才一個月，已計劃擴展至灣仔QRE及海港城。
食客Meesha：
「材料好新鮮，而且portion夠大，一個女仔食唔晒。」
Dressed（22954848）
中環國際金融中心2樓2016號舖
六級辣水牛城雞翼
另一於蘭桂坊的Nuke'emWings主打水牛城雞翼，大廚從世界各地引入多種辣椒，如Habanero、Jolokia等，製成秘製水牛城醬，分為六種辣度，不吃辣的可以要BBQ醬，大膽的則可以挑戰第六級"YouMustBeMental"。無辣不歡的小記試食第三級"Hot"，初入口時不太辣，味微酸十分開胃，舌頭沒有麻痹的痛苦感覺，之後辣味慢慢從喉嚨滲出來，辣得有層次，並且持續很久。
Nuke'emWings（25235505）
中環和安里1-3號德和大廈地下