每年一度嘅大型音樂節目《MusicStationSUPERLIVE2008》前晚在千葉盛大舉行，4小時嘅直播節目中，陣容鼎盛，有倖田來未、中島美嘉、SMAP、嵐、KAT-TUN、MrChildren及主唱宮崎駿動畫《崖上的波兒》主題曲的童星大橋望美等等35個單位，而因為右手受傷而辭演呢個騷嘅濱崎步，可能連除夕晚嘅《紅白歌唱大賽》打頭陣演唱都要取消。
女歌手大塚愛以低胸性感打扮上陣，晒胸演唱歌曲《水母、流星》，不過就惹嚟僭建疑雲。至於首次演出《SUPERLIVE》嘅三子女子組合Perfume，喺表演時，台上嘅大氣球突然爆開，打中正喺度唱歌嘅成員樫野有香塊臉，但佢依然絲毫冇甩音，被網友懷疑咪嘴。