今年9月結婚嘅韓國男星權相佑，噚日同老婆孫泰英婚後首度一齊現身公開場合，喺首爾欣賞孫泰英嘅鋼琴家姊夫Yiruma嘅演奏會。現正懷孕5個月嘅孫泰英，着住白色長褸遮凸肚，至於攞住紮花嘅權權，用圍巾圍實半塊面，一支箭咁行喺前面冇拖實老婆，似乎有欠細心。另外，權權主演嘅新片《比悲傷更悲傷的故事》MV前日喺網上公開，吸引17萬人次欣賞。