麥浚龍（Juno）昨日現身青衣城為新專輯《WHY》舉行簽名會，吸引半百fans捧場。今年Juno於唱片及時裝生意上錄得過百萬收入，而主要收入是時裝生意，問他與陳冠希相比誰賺得多？他說：「我冇比較，只係做好自己，今年成績好滿意。」稍後他希望宴請曾為新碟出力的朋友如倫永亮、周國賢、王菀之及軟硬等，Juno又透露計劃將收入轉為金條保值。
Juno與倫永亮合唱的《寫得太多》奪得新城勁爆合唱歌曲，他表示合唱獎得一個獎座分贓不勻，當傳媒笑指他暗示新城頒獎分贓不勻時，他說：「係我同倫永亮分贓唔勻，𠵱家要求新城加做多個獎座，頒咗嗰個放咗喺倫永亮度。」
採訪、攝影：馬建華