傅明憲、吳日言、名模陳沛嘉與男友等，昨日帶同愛犬到灣仔出席愛護動物協會（SPCA）「狗狗白色聖誕嘉年華」，向海嵐則帶愛貓到場，眾主人齊與寵物慶祝聖誕。傅明憲說：「聖誕帶咗四隻狗一齊去元朗BBQ，佢哋玩到癲晒，白狗變晒灰狗，我哋準備咗啲冇醃嘅肉，同埋送毛公仔畀佢哋。」
傅明憲坦承與緋聞男友莊家彬一同過聖誕，但沒有交換禮物，她又謂新年因愛犬比目魚生日，所以不會出埠，她說：「要帶佢哋團拜，啲利是錢、壓歲錢就全部捐畀SPCA。」
陳沛嘉開狗派對
陳沛嘉則為狗狗開派對，她說：「同朋友及十隻狗喺屋企開party，好累好累。」陳沛嘉謂早前其愛犬Smily入院，令她擔心不已，她說：「佢食咗嚿骨頂住條腸，要入院開刀做手術，吊鹽水，埋單同住養和咁上下，要18,000幾蚊。」
採訪、攝影：顏英儀