今日〈你想知想講想問？〉問題見刊各版，
請即上《蘋果》網頁http://appledaily.atnext.com留言喇！
或電郵至mailto:[email protected]
傳真：37112411
手機短訊：63836568
本欄會選登部份讀者的回應。
●一名母親因女兒不做功課以藤條體罰後，遭分居丈夫報警拘捕。你對此事有何感受？
誰是誰非，我冇興趣研究。但如果打係有用嘅，我諗香港唔會有咁多罪犯。我相信上一代嘅拳頭會比𠵱家更狠。──我是憤怒
我覺得輕微嘅體罰係冇錯囉，藤條炆豬肉好出奇咩？打嗰幾吓就呱呱叫，𠵱家啲細路真係用玻璃造㗎，掂吓都唔得。──ArDul
父母唔可以打仔，老師唔可以打學生，所以𠵱家咪多咗個仔為咗唔畀打機，就打老竇，學生鍾意就打老師囉。呢啲就係文明及進步，教育方法嘅成功！──奀咕咕
其實有啲咁嘅法例，到時細路學壞咗可唔可以告政府呢，係佢哋定啲咁嘅例囉。──hktalker
●一名的士司機日前因追捕未繳付車資乘客猝死，業界因此建議政府研究，在的士內安裝閉路電視監察器，但有人指建議行不通，因有侵犯私隱之嫌，你認為如何？
裝唔係問題，錄完餅帶點處理，先係問題。要探討吓點處理，先可以保障到乘客嘅私隱不外洩，才可以服眾。──babebubu
的士裝閉路電視可以防劏死牛，防人搭霸王車，以後想搭霸王車都要諗清楚，分分鐘變通緝犯。仲有，嗰啲癡男怨女喺車上狂咀互摸，個司機掛住睇，分分鐘撞車。──儍佬