蔡少芬（Ada）和黃德斌昨日拍攝《飛女正傳》的高空吊威吔場面，Ada穿上低胸裝化身女超人上演一幕美女救英雄，抱着黃德斌從天而降。Ada拍攝前獲得特技演員老公特別教路，在空中做出優美救人姿態。
蔡少芬和黃德斌昨日在將軍澳電視廣播城拍攝無綫新劇《飛女正傳》，劇中Ada一人分演兩個角色，其中一個是女超人。昨日她在凌空拯救墮樓探員黃德斌時，雖然現場有替身候命，但有部份場面Ada親身上陣，技驚四座，為防走光Ada穿了三條褲打底及加穿了貼身胸衣。
老公教兩招
Ada的老公張晉是專業特技演員，她說：「老公係專業嘅，有提醒我點做啲動作會靚啲，減低危險，睇完替身吊之後覺得好好玩，唔知自己上到半空識唔識翻身，實際做起上嚟唔簡單，加上今日又大風，都有啲驚。」
「驚完先益我」
黃德斌被美女埋身拯救感到艷福不淺，他笑言：「直頭益我啦，不過喺空中益，要我驚完先益我，但平時都係我救人多，今次俾靚女救直頭𤓓晒冇晒面吖。」而Ada在半空躍動時身材呼之欲出，黃德斌取笑Ada被地心吸力吸出嚟。
採訪：卓寶花
攝影：仇志中
