唐素琪同森美日前接受無綫娛樂新聞台《范後感》嘅節目訪問，早前森美同唐素琪喺電影《絕代雙嬌》中扮演情侶，佢哋異口同聲話唔怕會擦出愛火花，不過森美就大讚唐素琪有一雙水汪汪嘅眼睛，搞到佢好鬼開心。唐素琪初出道畀人好玉女嘅感覺，不過佢就自爆其實係又貪玩又貪吃，係個好粗魯嘅女仔喎。