麥浚龍（Juno）和葉文輝前晚演出聖誕音樂會，除了與歌迷大玩遊戲外，又跟他們近距離接觸。Juno在台上被問到有甚麼聖誕願望時，台下歌迷竟幫他大喊「娶老婆」，令現年只有24歲的Juno即時打個突，他坦言要到30歲才打算結婚，未知其緋聞女友鍾欣桐會否等他？
麥浚龍和新城DJ葉文輝（啤梨）前晚在理工大學賽馬會綜藝館舉行「《卡拉OFace!》Juno×BarryX'masParty」音樂會，雙方歌迷各據一方，但Juno的歌迷人數比啤梨稍勝。兩人除獻唱多首歌曲外，又與歌迷合力佈置聖誕樹和大派聖誕禮物，令場面頗混亂。
在音樂會上，司儀問Juno今年有甚麼聖誕願望，台下歌迷立即大叫「娶老婆」，令Juno即時打個突，他只謂希望下年做更多音樂。其實自從年頭的淫照事件後，Juno力挺女主角鍾欣桐（阿嬌），兩人即時傳出緋聞，Juno更不避嫌暗踩男主角陳冠希，處處維護阿嬌，不過近日兩人的感情似有冷卻之嫌，事後Juno更坦言暫時無意娶老婆，他說：「我𠵱家得24歲，當然冇咁快，希望30歲啦，都想生小朋友，所以唔想大家年紀相差太遠，反而細個時就想18歲結婚。」
詐唔知阿嬌牛一
問Juno今年會否過一個浪漫的二人世界聖誕節？他竟然說：「冇，得一人世界，我都未買禮物畀佢（指阿嬌），總之身邊朋友都會送，但係未諗到買乜。」下月21日是阿嬌的牛一，Juno卻詐不知，事後被記者踢爆時即哈哈大笑，並強調現時沒有女友。
採訪：馬建華
攝影：葉君海
