因為聖誕節前夕，歐洲戰線平靜，早飛倉暫停一期，今日先同大家見面，希望各位見諒；聖誕節英超加開快車，球員體能是一大考慮因素，今次早飛就捧養精蓄銳嘅韋根，主場打低紐卡素。
射手沙基漸上力
因為上星期曼聯飛咗去日本踢世冠盃，原定曼聯主場對韋根嘅聯賽要延期，變相韋根有個幾星期備戰今仗，球員可謂充足電；論近況韋根認真勇，上仗大勝布力般流浪，主場已經3連勝，除咗後衞保斯外，更加可以強陣出擊；射手沙基復出後，狀態漸提升，老牌中鋒希斯基亦腳風唔錯，今次夠膽讓名氣十足嘅紐卡素平/半，證明莊家都唔敢輕視呢條「根」。
紐卡素上仗戰至90分鐘，先主場2:1險勝熱刺，球員都搏得幾盡；尤其馬田斯同艾美奧比都有傷，今次料起用「傷患馬」奧雲同維度卡。雖然兩人近況都幾好，但又唔知幾時傷過啫；今仗捧韋根重有一個有利因素，07年嘅拆禮物日，竟然又係韋根主場對紐卡素，結果韋根憑後衞賴恩泰萊入波，以1:0勝出；今次又喺拆禮物日對碰，韋根贏多次有幾難？
樸茅攻弱吼「細」
配腳方面，先取樸茨茅夫對韋斯咸入球「細」；樸茅上仗對保頓，後防發夢唔在講，前線把握力亦平平，廸科爾浪射成性。韋斯咸上仗對維拉，佔較多攻勢下，不單只冇波入更加輸個符碌波；既然兩隊攻力麻麻，宜取入球「細」。米杜士堡主場對愛華頓，愛華頓上仗對車仔都不落下風，今季作客表現可人，平手盤要得過。文：牽牛
〈早飛倉〉
主菜：星期五17韋根（上）（1.92）@2,000
渾水摸魚過關：星期五7樸茨茅夫細（1.7）x星期五15愛華頓（平）（2）x星期五17韋根（上）（1.92）3x1@500
今日早餐價錢：-$2,500
上日賺蝕：+$2,511
早飛倉結餘：$99,010
規則：$100,000本錢，每日買早餐最多動用$5,000，最少$1,000，逢周二、五起身食早餐（見報）。
周末早飛超級重心
星期五8
熱刺勝（1.62倍）
熱刺近況稍回落，但主場可以同曼聯鬥至不分高低，面對拆禮物日往績甚差嘅富咸，主W可取。
星期六5
喜伯年勝（1.78倍）
喜伯年上仗僅敗予格流0:1，雖敗不辱；主場曾擊敗些路廸，基爾馬諾克主場都輸得畀聖美倫，作客更難看好。
星期日1
昆士蘭獅吼勝（1.72倍）
因賽程安排，獅吼有近半個月休息，可專心備戰，該隊主場亦有保證；鳳凰雖連續兩仗不敗，但作客戰績差勁。
難啃早餐
星期五16
新特蘭讓唔起
兩軍換帥後脫胎換骨，新特蘭兩連勝，布力般上仗亦勝史篤城；以布力般今季英聯盃作客贏過新特蘭，和味濃。