拆禮物日配合英超賽期提早在今天〈開倉〉，賽馬要到後天才有賽事，足球博彩自成為賭友最大消遣，希望眾名家幫到大家贏錢多消費啦！小弟今天主打捧英冠列強以外嘅主場王，普雷斯頓食「羊」腩煲（打比郡）！
普軍主場窮兇極惡
上周又貼中雷丁，父親大人窒我，「你仲識貼乜，又係雷丁」，就係呢句說話，雖然連續兩周中正，也不敢再作主打，何妨雷丁今周迎戰另一在英冠相當硬淨嘅卡廸夫城，個人屬意入球「大」多啲；其實最重要係賠率偏向冇肉食，上周贏伯明翰有2.8倍，今次對手咁強只得1.65倍，我仍相信佢哋成為英冠盟主機會大，但今場形勢作過關其中一關較合，重心唔係咁穩陣。
主打捧普雷斯頓砌低打比郡，呢隊波今屆主場不斷為波友贏錢，翻查數據，原來係繼雷丁、狼隊及昆士柏流浪，以9勝3負成為主場戰績排第4球隊，以佢哋總排名第8計，喺地頭真係極惡；射手美羅已傷癒，但近期用基斯保朗拍史堤芬艾利洛，或者用後備殺手「大隻佬」柏堅，一樣入到波，近屆成升班附加賽（第3至6名）常客，今屆入圍機會仍甚濃。
對手打比郡今屆降回英冠，戰績一直低沉，上仗如非靠老牌射手侯斯末段入球氣走屈福特，已錄得近7戰不勝；近期對住強隊如雷丁、狼隊及般尼等全敗，今戰勢難逃劫數。
飛燕諾「大」串狼隊W
今次保險注論注碼及信心絕非保險，係另一信心注，捧飛燕諾入球「大」串狼隊單W；前者近績極劣，近3仗未入一球兼會殘陣，但迎NAC仍開「讓球主客和」，莊家似認為飛燕諾可反底，個人有保留，亦不信NAC近3場作客交白卷，荷甲鬥狂，捧「大」最合；至於英冠「1哥」狼隊上仗有運贏唐卡士打，今返主場對錫菲聯，雙箭頭伊維路莫及艾賓斯比歷克可數糊。
是日投注：$2,400
本金＄100,000(上次賺蝕+$2,454)
（上周手民之誤，賺蝕分數實為-$750，但總分計算無誤）
結餘$103,301
近5場往績：WWLLW
蘋果波神
水準有目共睹，長跟必有着數。