韓國女星崔真實今年10月自殺身亡，噚日係佢40歲嘅生忌，崔父噚日上晝，就到安放崔真實骨灰嘅京畿道甲山公園拜祭愛女，過百影迷亦去佢墓前送上蛋糕懷念偶像，而崔真實嘅生前好友嚴正花、李英子等人就喺崔真實胞弟崔真英家中懷念佢。另外，崔真實嘅前夫趙成珉前日出庭，決定將一對子女撫養權交回崔母。