今年聖誕，經濟不景，消費不振，小弟從家裏，遠眺維港兩岸燈飾明顯暗淡；但波迷還好，安坐家中，只需花數百元月費，已能欣賞各地頂級體育賽事，誠屬最佳娛樂；至於「兵」迷在這聖誕快車期可能坐立不安，因為奧尼爾領軍的維拉，誓要在今夜正式確認將「兵工廠」踢出Big4行列。
維拉「脊椎」健全
奧尼爾在英國球壇享負盛名，00-05年帶領些路廸3奪蘇超錦標外，更難得以該地足球水平，也可在03年殺入歐協盃決賽，可惜加時後2:3負當時由摩連奴領軍嘅波圖；06年夏天接掌維拉，球會表現在他致力重組下穩步上揚，加上喜重用土炮，一度是英格蘭國家隊領隊的大熱人選；但有雄心壯志嘅人，肯打這份安穩但又沉悶嘅「政府工」咩？
以該隊目前勁勢，要打破Big4壟斷機會唔差，首要當然喺今晚場「6分波」比賽勝出；阿仙奴目前最缺乏，正是奧尼爾麾下擁有最強嘅武器，一條強而有力嘅「脊椎」，他在這兩年多購入後生有潛質之輩，如艾殊利楊格及居廸斯戴維斯，但亦明白經驗對新人成長嘅重要，門將費度，中場柏杜夫同中鋒卡維之助，加上幸運地留得住大腦巴利，令這支中部球隊急速成長；反觀，阿仙奴一條「脊椎」患重病，加拿斯（唔知佢想點）、法比加斯（長唞）及艾廸巴約（停賽）各有問題，今戰好難打。
有人要為第4爭餐飽，有人已登世界之巔，但在隊際運動下循環不息，一樣有趣。花無百日紅，困境下更要自強不息；正如聖誕燈飾暗淡，但滿足、快樂與否，視乎陪你漫步尖東海旁是那一位幸運兒？（8之3）
蘋果波神