瑪麗嘉兒（MariahCarey）同老公NickCannon近日去咗科羅拉多州著名滑雪勝地阿斯彭賀聖誕。佢哋一身情侶裝加大棚保安踩場，一出現就成為焦點。雖然當地冰天雪地，但瑪麗仍然露出乳溝益遊客，認真大方。瑪麗接受訪問時話過去幾年聖誕都係一個人過，今年有老公陪所以特別開心，佢仲話：「年年聖誕我都會着聖誕內衣應節，今年終於有人會欣賞到。」