倪震偷食搞到滿城風雨，連煲呔都隨身袋住佢份分手聲明。才子偷食，玉女唔mind，簡單啲嚟講，呢啲可以形容做「多元關係」。關注性工作者組織紫藤出版嘅性教育雜誌《性愛Fun》第二期剛剛出街，主題就食正呢條水，大談情侶間嘅多元關係。
八方同其中一啲編輯傾過，佢哋覺得周慧敏原諒倪震，社會上嘅討論太過一面倒，既然當事人都唔介意，點解外人要指指點點？呢期雜誌仲有幾有教育意義嘅內容，包括一個「性愛卡路里消耗表」，話女士真高潮會消耗112卡路里，扮高潮就消耗1,315卡路里。紫藤早前喺澳門性文化展派發呢本雜誌，一小時內派清，佢哋話反映好多人需要呢類資訊。有興趣可到人民書店、曠野書店、Kubrick等索閱，同時設有網上版 http://www.ziteng.org.hk。