開餐！聖誕假普天同慶，勒緊褲頭的港人應該都會擦餐飽，而英超勁旅球星快車期無假放，也不愁沒「大餐」可吃。曼聯、利物浦、車路士上場聯賽都失分，適逢拆禮物日分遇弱隊，對手注定當「聖誕火雞」，禮物冇份拆，只會被拆骨。文：藍鑽石、法比奧
《聖誕鐘 買曼聯》
我信里昂（說的是證券行，而非球隊），所以聖誕鐘冇買滙豐，但買曼聯就應該冇問題。紅魔鬼近年慣性在拆禮物日大勝為球迷送禮，人所共知，今年作客史篤城，擺明強弱懸殊，而場波香港時間8點45分開波，名副其實係開餐時間，球迷一定想知新鮮出爐的世界冠軍重返英超戰線有幾勁。
落後利記7分成動力
曼聯落後利物浦7分，雖說有兩場比賽在手，但心理上落後太多，紅魔鬼將會變成一隻搶分餓鬼。朗尼日前磨拳擦掌：「未來幾星期，將會決定我們今季的前程。」
基斯坦奴朗拿度（C朗）在日本似做騷多過踢波，但踢英超應會收歛，加上朗尼大勇，可望盡吐征世冠盃前聯賽被熱刺悶和的烏氣。
史篤城近5場比賽不勝，近3場作客共失10球，上場作客剛易帥、立立亂的布力般尚且慘吞三蛋，今次對曼聯如果輸少幾球，應該要感恩。
星期五5：史篤城vs曼聯
開「餐」時間：26/1220:45
直播：now632台
曼聯下輪對手：29/12主vs米杜士堡
《費托復出 紅軍熱爆》
保頓聯賽排第9，始終是前半排名戰力應不太弱，但強弱是相對概念，保頓拆禮物日作客「1哥」利物浦，主W仍得1.25倍，熱爆。利物浦副領隊李森美指費蘭度托利斯（費托）近日操練狀況一次比一次好，隨時復出開餐，若屬實可謂予紅軍躉的最佳禮物。就算球迷中空寶，去仗對阿仙奴入球靚波終止個人入球荒的羅比堅尼信心回升，這次開餐可再當主角。
路蘭妄想保頓擴軍
未知是否開快車精神壓力大，抑或剛挫樸茨茅夫被勝利充昏頭腦，保頓主將路蘭要求會方撥出1,500萬鎊（約1.72億港元）在1月擴軍，簡直癡人說夢。今時今日連Big4都閂水喉，保頓何德何能逆市大事擴軍？如果路蘭不是儍，便是奸，因有傳他欲追隨前領隊「大儍」艾拿廸斯投效布力般流浪，莫非想臨走前搞破壞？
星期五13：利物浦vs保頓
開「餐」時間：26/1223:00
直播：now632台
利物浦下輪對手：28/12客vs紐卡素
《車仔翻身 誓「布」佳音》
近5場聯賽僅1勝的車仔，急需在新年前大翻身，以準備1月11日對曼聯的大戰。拆禮物日對作客聯賽6連敗的榜尾魚腩西布朗，這大餐應是全日最和味。
史高拉利需要一場大勝，因為他第2次要求撥款買人再次遭拒；「大菲」友人透露說：「他沒獅子開大口，只想以合理價錢引入一名新血。」夏天加盟只花800萬鎊（約9,200萬港元）買人的「大菲」，因此獲會方承諾1月開水喉，可惜一場金融海嘯，蒸發了老闆阿巴莫域治的財富，也摧毀了「大菲」的擴軍計劃。
「大菲」等老細開水喉
球員有時批評「大菲」戰術及表達能力差，成績滑落後操練時變得更沉默；也許，這就是「大菲」固執要買同鄉羅賓奴的原因。然而，就像小朋友要求聖誕禮物一樣，家長會看其成績和操行，「大菲」要讓老闆開支票，首先要在周五開個頭彩，否則免談！
星期五6：車路士vs西布朗
開「餐」時間：26/1221:00
直播：now631台
車路士下輪對手：28/12客vs富咸