男人就怕女人問：「你愛唔愛我呀？有幾愛？咁你愛我多啲定愛咩咩多啲吖？」究竟何謂愛？人人都在尋找答案。上帝藉着《聖經》向世人傳福音，叱咤903DJ阿喱就用新作《我愛她愛葡萄酒》向空姐女友「落機兒」講「我愛你」，肉麻到暈。今次就由佢教各位男士如何愛酒如何愛女人、𠱁女人飲酒、最緊要係……點樣用酒識女仔。
記者﹕吳允冲
攝影﹕陳盛臣、楊錦文
模特兒﹕Szeji@StageModels
aboutme
姓名：阿喱
職業：903DJ
最難忘的酒：到過尖沙嘴棉登徑一帶裝修好hip的地方飲酒，啲housewine好難飲，千祈唔好信佢哋！
今年聖誕飲的酒：提前去咗朋友搞的BBQ派對，試咗9支酒，其中的ChateauGazin2005（PessacNeognan）是飲過二百多元最好的酒。
聖誕最渴望：到法國自駕遊，去不同酒莊試酒。
女友如靚酒
看見書名《我愛她愛葡萄酒》，已經暗叫「使唔使咁sweet？」阿喱解釋：「一齊咗八年，乜花都送過，鑽石戒指又送唔起，想送啲morethanamiumiu手袋嘅嘢，就諗不如送本書畀佢。」那一刻就算喝苦酒，「落機兒」的心也肯定是甜的，要知道要男人卸下面子，向全世界高呼我愛你，那股勇氣有多大。「佢……真係適合自己，夾唔夾唔係短時間內知道，好似Moscato係易入口，但係隻隻牌子都無分別，又唔飲得多。」飲酒，大多數人都是愛酒精的麻醉感，尤其聖誕狂歡派對中「劈酒」的人多，品酒的人少，阿喱愛葡萄酒卻是欣賞酒的變化，「每個人都在感情上找finewine，一支好酒要時間去躉，擺三個鐘可能幾好飲，然後中後有段時間會好難飲，最尾先係最好飲嘅時間。」交往了八年，由19歲到現在26歲，應該認定身邊人是finewine了吧？「其實喺七年幾嘅時候都有經歷過壞情況，最尾我決定用呢本書答佢。」
好酒要時間躉
才26歲的阿喱，三年半前學飲酒自此無酒不歡，又食雪茄、介紹冷門的外語音樂，有不少人笑他作狀，他卻笑現今的潮童不懂豁達：「我honest做自己鍾意嘅嘢，我認為唔堅持先係作狀，正如你以前踩板只是扮型，踩到今時今日就真係型。」他由出道開始一直發展順利，直至與吳君如主持《嘩嘩嘩打到嚟2008》，兩個人年代相距太遠，擦不出火花，成為最短命的主持，「我無跣低，當係一次試驗。正如finewine很多人覺得唔好飲，覺得有柴味，其實finewine要時間躉，只要喺最好的時候飲，你飲完覺得好下次就會搵番佢。」
「買好酒不如買把好酒刀，男人開酒要用軍刀先型。過程要爽快，唔好NG，整鬆個塞再擰佢出嚟，兩下完成，再收埋把軍刀，成個動作要流暢，喺party度咁做實加分啦！」
舌頭男女不同
阿喱認為香港的葡萄酒市場還是以男性、中產作主導，以致初哥無從入手：「鬼唔知法國八大酒莊好咩，不過口味較dry女仔唔鍾意。」所以他揀選了幾款女仔特別受落的酒，可以作為初入門的開始。「女人嘅舌頭同男仔好唔同，鍾意果味重夠fruity，女仔對甜味的敏感度較低，所以口味得較甜；同等的苦味女仔又會覺得苦啲。」他大力推介的Moscato，香港沒有甚麼人識，但味道甜得像汽水，派對中介紹畀女仔飲，一定能引起她的興趣。
阿喱派對推介
女友最愛入門汽酒
「Moscato呢款以意大利葡萄做的酒，飲落似忌廉梳打，有陣桂花味，十分easydrinking，揀邊隻牌子都無所謂。果味重而甜，有少少氣泡，好少女仔唔鍾意，啱同第一次約會嘅女仔飲，我女朋友就最鍾意。」
AlasiaMoscatod'Asti2007$93
合家歡汽酒
另一大力推薦的汽酒，「味道九成似威路士提子汁，有汽酒味道更易表現，男女都啱飲，喺party中好快飲晒，價錢平唔使慳住飲。」介紹心儀女仔飲，話題由此起。
SeppeltSparklingShiraz2005
推廣價$135
派對Rose香檳
「Champagne一定要喺法國香檳區出產，產量唔多價錢較貴，呢隻Rose用香檳嘅製作方法，但用唔同嘅葡萄，比起原裝香檳無咁dry，聖誕party飲最好。」
LucienAlbrechtCremantBrutRose
推廣價$150
進階級香檳
「顏色通透，口味偏dry，香檳氣泡質素有保證。係喜慶之選，但唔係個個啱飲，如果party有人飲開酒就啱，唔係咁啱newcomer。」
ChampagneBeaumontdesCrayeres
推廣價$255
男人味白酒
「我自己最鍾意梗係呢支Laurenz啦！奧地利酒香港人唔熟，其實口味好滿足到男仔，啱進階級飲家，味道似Riesling加SauvignonBlanc，aftertaste好長，係一支好酒！」
LaurenzundSophiaSingingGrunerVeltliner2007
推廣價$99
屈臣氏酒窖係阿喱常去買酒的地方，其新設的試酒機，適合試貴價酒。
（中環德己立街1-13號世紀廣場LG3，電話：25376998）
