倪震好友谷祖琳近日在逆市中投資百萬元，在大坑開設甜品店「小甜谷」，該店股東包括谷祖琳、其叔叔谷德昭和其他朋友，其中一個便是倪震，有消息指倪震近日形象極差，故有意借投資正氣生意來改形象。
昨日記者致電向谷祖琳查詢倪震是否甜品店的股東之一時，她說：「其實可以話阿Joe（倪震）有份又得，冇份又得，因為佢又唔算正式入股，佢只係錫我，知道我搞小生意，佢加咗少少錢，好細份啫，我當佢係股東之一。其實乜嘢改形象啫，件事都未發生佢已經有加股，佢點會為形象做生意，都唔關事，我呢啲小本經營，佢點睇得上眼呢。」
谷祖琳的甜品店現在是試業期，她不時往睇場之餘，還在店內氹氹轉招呼客人，有時應接不暇，她的父母也會往幫手。谷祖琳的母親是烹飪高手，若開業後成績滿意，她考慮在店內加賣小食，她又構思邀請圈中好友穿上其甜品店的制服，拍攝一張大合照掛在牆上做生招牌。
採訪、攝影：丁寧