這個平安夜，既然你冇街去，不妨測試一下，自己是不是中年危機一族。試答下列問題，「是」多，恐怕閣下早晚出事。
一、你已經不關心平安夜的失身或者事後避孕的數字，覺得事不關己。
二、冬至被迫無鮮雞食，你囉囉攣周身唔聚財，唔自然過聖誕冇聖誕大餐落肚。
三、你無睇電視很久很久了，還以為ATV早已經摺埋，對上一位大老闆是邱德根。
四、你最想收到的聖誕禮物不是任天堂遊戲而是崇光購物禮券。
五、這個假期，你plan好的節目無半個party，全部是雀局。
六、你有出門恐懼症，當其他人湧去日本滑雪時，你連過澳門都驚驚青青去唔成。
七、雖然有免費戲票睇《梅蘭芳》但你寧願一條友捧《荒失失奇兵2》早場。
八、你擔心明年經濟，相信起碼到2017回歸廿周年才出現轉機。
九、你睇晒牛年預測，除了背熟周慧敏幾時生仔還幫埋BB改名，叫做倪特首。