【本報訊】「沙士嗰時連續六個月蝕咗80幾萬，都係咁捱啦！」正繳付世界級租金、在銅鑼灣景隆街經營街頭小食的劉先生表示，小店現階段仍撐得住，但隨着經濟轉差，生意額已較前大幅減少三成；加上業主不願減租，租金每月「企硬」近12萬元，劉先生惟有由早上10時「直踩」至凌晨2時，賺得一蚊得一蚊。
劉先生的景隆街「蚊型」小食店知名度高，原因也是租金昂貴，這間面積僅得200餘方呎的小店，月租卻高達近12萬元，即每方呎600元。
不過，即使市道不景，租金仍沒有下滑的趨勢。劉先生坦言生意難做，「我哋主要做細路生意，經濟唔好佢哋自然少咗零用錢買嘢食！」生意額大減三成，除了加把勁工作，劉先生表示別無他法，「想增加一兩款小食，但根本冇位擺。」減價促銷又如何？「減價咪仲死！」每串5元的魚蛋，每底8元「雞蛋仔」，已經減無可減。