「扒女」李依琳回港度聖誕，在美國修畢導演課程的她，興奮透露自己執導的殺人短片在美國得獎，獲奇連伊士活（ClintEastwood）讚賞，更和奇連的兒子交流音樂，計劃在美國打拼半年後回港拍港產片。
李依琳昨日和杜德偉女友王珈晴（Bibe）一身節日紅裙，在觀塘apm出席商場活動，更坐上空中雜技團的飛船，不過只是升高幾呎擺甫士。
同奇連兒子好傾
在美國南加州大學攻讀導演課程的李依琳，三日前返港，回來即病，但她開心謂自己的血腥殺人實驗電影短片《Misogynist》上月得獎，她說：「喺美國PasoRoblesFilmFestival拎咗個FestivalChoiceAward，好開心，係上月24日拎，當日仲見到奇連伊士活，好開心，佢話好鍾意我，我係中國人，但識講英文同埋喺美國拍戲。」
問李依琳跟奇連有否合作機會？她說：「冇，佢年紀都大，不過佢介紹咗個仔畀我識，30幾歲，大家都有傾偈，傾啲音樂上嘅嘢，因為佢都係喺美國讀書，幫爹哋嘅電影做音樂。」十分投契？她即說：「冇，冇交換電話，冇聯絡。」
李依琳謂現時沒拍拖，但有人追求，她說：「我下個月23歲，大個女，好老，不過我覺得自己仲好似18歲咁，媽咪叫我唔好因為寂寞，隨便搵個男仔。」她又透露已經畢業，下月返美半年，吸取電影工作經驗，再回港拍電影。
Bibe收Chanel手袋
杜德偉（Alex）女友Bibe性感露腰及大腿，還大晒和杜德偉的甜蜜拍拖生活，她說；「Alex頭先SMS我，話訂咗枱平安夜食飯，好開心。佢之前送咗個Chanel特別版手袋畀我，我下個月生日，之後情人節佢應該好頭痛買禮物。」
採訪：LawWaiMan
攝影：MatthewLam