翻版樂基兒周秀娜今年逆市上游，在金融海嘯下忙個不停，在聖誕及新年不停扮聖誕女郎，日前她帶同師弟陳尚志去旺角新世紀宣傳，教師弟擺出各式各樣情侶甫士，引領大家投入聖誕節日氣氛。
搵錢大過天
除了做模特兒，周秀娜還要演出舞台劇《我愛萬人迷》，她說：「今年聖誕會同一班舞台劇演員一齊過，寶珠姐話嗰日演出完就一齊燒嘢食，真係好開心，我都係第一次做舞台劇，仲可以同一班演員一齊過。雖然12月成個月冇假放，但好充實。」
周秀娜今年聖誕在工作中度過，不知男友有否投訴，她說：「冇喎，佢冇養我，我要做嘢，如果佢投訴，咁養我，我咪唔做囉。我今年冇時間陪佢，所以會送份驚喜禮物畀佢，等佢開心吓。」
新一年來臨，周秀娜希望可多方面嘗試，她說：「出年都會試好多唔同工作，因為《我愛萬人迷》好成功，所以會繼續公演，我仲會拍電影。」
採訪：楊潔雯
攝影：林德雄
場地提供：旺角新世紀
化妝、髮型：MeganandZap（Zap@ChinG）