米雪、官恩娜、石修和江若琳昨日出席港台活動，談到有報道指米雪秘密籌備婚禮，米雪指男友尹志強雖再向她求婚，可惜至今仍未被打動，她笑說：「可能𠵱家個timing唔啱，又未到mood，等佢求多幾次先算，𠵱家我冇諗過，亦覺得冇需要，況且我哋只係欠張紙，大家鍾意點叫我都冇所謂，就算叫我做尹太都得，反正都冇聽過，都幾特別。」
指周慧敏儍一次
對於被倪震與周慧敏搶閘，米雪笑說：「女人有原諒人嘅心，而且又會特別包容人，我諗佢知自己做緊乜嘢，女人點都會儍一次。」米雪更透露今年聖誕將會與尹佬及家人一起度過。此外，江若琳被指失寵，她說：「我一向都係聽公司安排，我淨係知道工作排到明年年尾，而且又籌備國語碟。」至於眼腫腫的官恩娜否認爸爸的珠寶店受金融海嘯影響而結業。
採訪、攝影：何慧斯