黃宗澤（Bosco）最近為新歌《普天同愛》拍MV，導演安排Bosco和衣躺在浴缸中，孤獨唱聖誕情歌。Bosco甫來到現場，不知就裏，見到有浴缸，以為天寒地凍要拍出浴場面，即口窒窒問導演：「泡泡浴？唔係啩，咁凍？唔係女仔先冲咩？」
碰缸鏗鏗聲
Bosco其後笑說：「之後工作人員倒一堆波波裝飾落我個身度，我即刻用手遮住重要部位，佢哋仲叫我放鬆啲，話唔會整親我。嗰啲波波實心㗎，倒落嚟嗰陣我聽到撞到個缸鏗鏗聲，自然反應咪護住囉！」今年是Bosco加入樂壇後首個聖誕，他說：「26號係boxingday，希望嗰日可以去新城頒獎禮，得到我加入樂壇第一個獎項，咁呢個聖誕節就真係夠晒難忘喇。」
撰文：林妃