雖然常大聲高呼「講波佬」不可有對某球隊的偏愛，卻舉腳贊成球迷越忠心越好，這樣欣賞球賽才有味道。佳節當前，祝大家愛隊搞得合理。你冇睇錯，唔係祝佢哋踢得好，而係搞得合理。
阿仙奴是最佳例子，你愛阿仙奴，要支持雲格捨老取幼，支持他以慳家為先，支持他冒險進攻、踢法漂亮比任何都重要的風格。
07年暑假英超挑戰盃欣賞過樸茨茅夫球迷的團結及威力，但金融危機、球會財困、哈利列納他投、阿當斯上任、計劃出售球會，以致最近售狄亞拉、推銷廸科爾會否動搖這班球迷的忠心呢？我提議大家樂觀的看。
出售主將自我減磅
樸茅老闆基達馬是生意人，海嘯未到，眼見紐卡素有價無巿，自己想賣亦乏人問津，於是先自我減磅，出售主將；而阿當斯要求的助教團亦慳得就慳，於是目前商討中可能入巿的投資者，最後可能只買樸茅的「殼」。
阿當斯是否踢而優則教，尚未有足夠反映，但他有大志、有組織能力則毋庸懷疑，他退休後成立心理診療基地幫助有惡習的運動員，到荷蘭學法，廣交球壇朋友，亦不惜考慮低組別球會的任教邀請，都證明了他任好領隊的基本潛質。
上周1:2負保頓，賽後阿當斯對球員的批評絕不客氣，他們表現的不集中、欠士氣亦反映到隊中有戰將被目前球會消息影響，面對這情況，我相信阿當斯會以平常心看待，亦清楚連自己的將來也欠保證。作為樸茅球迷，亦應該像阿當斯一樣平常心，努力做好自己本份，但成績則宜作長線觀望。
丁偉傑
nowTV足球評述員