昨日有人向本報爆料，表示周慧敏對在內地的親戚凉薄，又舉出一例子，稱周母的表妹阿華（華姐）曾由佛山來港找周慧敏及其家人，不過卻遭藉詞推託拒接待。
「費事以為有嘢求佢」
記者昨日聯絡上華姐，她在長途電話中說：「我係周媽媽嘅表妹，周慧敏幾歲大時候見過佢，去年我嚟香港，其他親戚叫埋佢（周母）出嚟傾偈，我又唔知人哋歡唔歡迎我，我哋係窮人，佢哋係有錢人，費事等人以為我有嘢求佢。」對於指周慧敏對內地親戚凉薄，自稱周母表妹的華姐說：「睇錢份上，有錢咪識囉，冇錢又點會識，上次周慧敏嚟過廣州都冇探過我哋，可能我哋窮啦。」
此外，華姐又表示在報紙中得知周慧敏與倪震結婚消息，但她未有見過倪震，更不理他曾在酒吧中與女子激咀事件，她說：「佢請飲都唔會請我，我都唔會恭喜佢，我冇佢電話。」
採訪：李全