噚日大市觀望氣氛濃厚，聖誕長假期降低投資者入市興趣，現貨成交唔夠365億元，好耐都未見過。
近日淡友主要㩒住隻滙控（005），H股係支撐大市嘅主要動力，噚日H股跟A股回吐，亦係恒指跌得多嘅原因，但係中央出招救市一招接一招，昨人行又公佈減息及減存款準備金率，A股同H股未來嘅走勢應該唔會曳。
花旗股市上禮拜五先升後跌，但係反彈嘅勢未完，如果噚晚升番上去，今日港股應該可以掉頭挾番上去。
富士康C輪15536：富士康（2038）昨收2.71元，升1個價位，成交大增，陰陽燭以倒轉錘收市，應該未升完，有機會升破3.10元推向3.70元，可以諗吓隻C輪15536，現價89仙，有效槓桿1.9倍。
正股升上3.70元，15536可見1.60元，正股跌穿2.40元，就沽咗隻輪止蝕。
俊樺