過多個零禮拜，就要同08年saygoodbye，呢一年投資市場何止風起雲湧，望番轉頭，能夠捱到年尾都咪話唔欷歔。
網友ab987654喺《香港討論區》就作咗首打油詩「回望」，當中有幾句簡直夭心夭肺。華華一於節錄出嚟同大家分享吓。
「四叔去年好風騷，亞洲股神戴帽高，眉飛色舞談股市，越說越高冇難度。今年巿跌認冒牌，輸咗叫你唔好賴。」
「今年藍籌大件事，百億學費炒外滙，一日跌半創歷史，股東大會做主持，阿爺會否換太子？」
「銀行擠提去排隊，客戶員工齊受罪，人排我排非有趣，提完存番來又去，寶貝悲兒累鬥累。」
「路遙可知馬能力，日久可見各人心，佳節當前何處去，珍惜身邊眼前人。萬金不敵有心人，回頭一看巿還在，人去樓空添愁雲。」