今年5月奉子成婚嘅荷李活女星謝茜嘉艾芭（JessicaAlba），前日同電影監製丈夫CashWarren喺比華利山嘅住所補擺喜酒。據美國《Us》雜誌報道，謝茜嘉同老公嘅親朋好友，喺晚上7點左右陸續到場，結咗婚5個月嘅新郎新娘仲將佢哋嘅6個月大愛情結晶、女兒HonorMarie打扮得好可愛好靚示人，佢着上灰色裙又連上一對翼，十足小天使。