聖誕節賞燈飾似乎是例行公事，但到處人山人海，影張相都萬九個人頭，潮水式前行忌住咪俾人踩親，七除八扣，講真，根本談不上「欣賞」燈飾。其實簡單的DIY，利用燈效將屋企變成室內燈飾場，也一樣可將維港兩岸燈效帶返屋企，閃爍度絕不遜於街頭燈飾呢。
記者：林佩婷
攝影：林栢鈞
Model：Chichi
資料提供：DoubleC負責人Fiona（28613867）
米仔打造家居燈飾
想於家中打造燈飾效果氣氛，刺眼的燈光絕對不宜，最好選用米仔燈膽，電量小適宜家用，而且現時的選擇甚多，包括有彩色及淨色，有些更會按時間而閃亮。再加上其他BlingBling環境裝飾配合，自然能堆砌出燈飾靚景。
金光閃閃櫃
平平無奇的櫃仔看似可有可無，其實只要加點閃亮貼紙，就能變得搶眼。
材料：金色貼紙1張、聖誕公仔數個、米仔膽1串
做法：將櫃周邊貼上金色貼紙，擺好聖誕布公仔，最後繞上米仔膽，即時活潑起來。
聖誕專用咕𠱸
梳化上的咕𠱸也可下工夫。於白色咕𠱸上加點絲帶及閃閃貼紙，變相為大型梳化家具粉飾。
材料：絲帶少許、聖誕閃貼紙數張、綠色絨布1張、金葱球數粒、針線
做法：先在咕𠱸四邊縫上絲帶，中間貼上閃閃貼紙；絨布則剪成樹葉狀，在兩片葉中間綴以金葱球。還可隨意自行縫上不同點綴。
聖誕樹燈
聖誕樹當然不能少，嫌阻地方？可用玻璃紙圍在家中原有的燈罩上扮聖誕樹，開燈時發出柔和燈光，實用又有氣氛。
材料：綠色膠文件夾約6個、綠色玻璃紙2張、金銀星星鐵線1束、閃光紙絨線數支
做法：依原有的燈罩外形，將文件夾扭成仿樹形圓椎狀，層叠圍上。玻璃紙一端剪成鬚狀，繞樹形文件夾圍起。四周圍金銀星星鐵線及以閃光紙絨線裝飾。樹頂貼上扭成星形閃光紙絨線。
玻璃窗塗鴉
玻璃窗一向嚴禁裝飾，以免弄花。但一些易撕貼紙及玻璃膠，弄得美觀之餘，亁後整塊輕易撕走。
材料：聖誕藤1條、聖誕造型貼紙數張、黑/金色玻璃膠各1支、米仔膽1串
做法：先用聖誕藤在玻璃窗上圍成屋形，並貼上貼紙裝飾；然後用黑色玻璃膠勾畫雪人，再用金色玻璃膠填滿肚子，待亁後圍上米仔膽。
鈴聲伴奏
聖誕佳節即場彈首聖誕歌，更添氣氛。為免飾品太多阻礙彈奏，只在鋼琴頂端作簡單裝飾及掛噹噹便可。
材料：頸巾及白色絨布雪條各1條、綠色星星鐵線1束、噹噹適量、米仔膽1串
做法：依次序鋪上頸巾及絨布雪條，然後繞上鐵線，於一定距離位置掛上噹噹，最後圍上米仔膽即成。
花紋蠟燭
想點蠟燭增氣氛？但一般蠟燭外表單調，只要一張餐紙或蠟燭閃光膠水，就能改變外貌。
材料：純色蠟燭數支、不同顏色蠟燭閃光膠水數支、圖案餐紙巾1張、膠水、掃
做法：利用蠟燭閃光膠水隨意在蠟燭表面繪畫；又或用膠水將圖案餐紙巾以掃黏在蠟燭表面便成。
其他閃亮參考
玻璃樽+米仔膽
嫌麻煩又怕米仔膽繞來繞去易絆倒，不如將米仔膽放在玻璃樽內，然後擺在牆角，也能增添氣氛。
變幻閃球
不想黏黏拆拆咁麻煩，也有人索性安裝一盞的士高閃球，遇有大時大節就可開着，隨時將屋企變成Party舞池。
