韓國男星權相佑早前承認奉子成婚，老婆孫泰英將會喺明年春天生仔。噚日網上流傳一張題為「孫泰英大肚5個月」嘅相，亦即係英妹證實有BB後首次有相曝光。相中嘅英妹似乎喺餐廳食緊飯，佢着住件低胸衫襯紅色外套，仲見到少少肚，不過事務所就例牌拒絕回應。英妹自從9月結婚後一直專心養胎，早前先由蜜月地澳洲秘密返國。