緋聞小情人房祖名和薛凱琪（Fiona）近日傳出分手，前晚祖名代理的糖果搞周年派對，Fiona雖有現身撐場，但兩人卻刻意迴避合照，而祖名送給Fiona的標語T恤雖似為她公告天下目前是單身，但卻遭有份獲贈T恤的余文樂踢爆他講大話，認真大整蠱。
房祖名和友人合資代理的糖果Rio，前晚在中環七號碼頭舉行一周年派對，祖名緋聞女友薛凱琪也有出席，近日祖名和Fiona被傳分手，當晚兩人大玩捉迷藏刻意迴避合照，當記者叫祖名和Fiona影相，祖名扮作聽不到匆匆入場，Fiona則笑說：「唔係我唔肯影。」
留港過聖誕節
當晚祖名更為好友度身訂做有標語的T恤，其中余文樂踢爆說：「佢送畀Fiona嗰件係寫住『I'msingle,Fiona』。」在旁的祖名即插嘴說：「咁佢係單身喎。」阿樂即笑言：「佢講大話，應該寫『I'mcouple』至啱。」而近日被指狂黐沈嘉偉和郭富城的阿樂，亦被祖名以此事贈興，阿樂表示：「我嗰件係『I'mnot沈body』，可能同啲新聞有關。」
至於近日被指和Fiona分手，祖名笑說：「唔係，朋友又點會分手。我同佢一個月都會通電話問候對方。」聖誕節將至，祖名會留在香港，問會否約Fiona一齊過節？祖名透露若一班朋友出來慶祝的話，也可能會約Fiona，至於會送甚麼禮物給Fiona，祖名表示大家只是朋友，不會刻意送禮。Fiona的口風也和祖名一致說：「佢唔係我男朋友，係朋友，冇拍拖又點樣分手。」Fiona更坦言平日甚少食糖，似乎有意倒米。而昨日Fiona出席活動時，提到祖名送給她的T恤時說：「我有問佢點解，佢話唔想畀緋聞影響我，我覺得尷尬但又幾搞笑，雖然件衫靚，不過我唔會着。」
吳建豪戒女色
另外，祖名又送上寫有「GODISBETTERTHANSEX!」的T恤給吳建豪，更即場踢爆他已信主及戒酒，問到吳建豪是否信主後變乖？他說：「對呀，我現在在台灣都是去自己的夜店，但不喝酒。」吳建豪更坦言現在沒有女友，問到是否信主好過女色？吳建豪聞言尷尬地說：「Yeah！」而2R的Rosanne就以低胸裝出現，她表示出席派對性感一點也無妨。至於聖誕節會否和緋聞男友安子杰一同度過？Rosanne稱他在外地拍劇，但也有準備禮物送給所有好友，Race在旁就透露安子杰咳到有血，Rosanne表示：「嘔血唔講得笑，當然有打畀佢問候。」
採訪：藍嵐、何永寧
攝影：葉君海