台灣女星徐熙娣（小S）同老公許雅鈞（右）前晚手拖手出席藝人李蒨蓉同李德立嘅結婚5周年派對，小S喺抽獎環節抽中咗一本性愛指南，佢即時自誇可以開班授課。記者問小S送乜嘢祝福一對主人家，佢居然話5年唔算得係乜，唔好開心得太早，起碼要到20年以上先會令人佩服。小瑪歌覺得佢呢番說話似乎有啲唔畀面喎。