花旗政府終於出手打救三間車廠，不過就係有附帶條件，而且車廠仲要提交可行嘅改革計劃，因為條件不少，所以花旗股市上周五抽高之後最終都要下跌25點收市。
港股上周五下跌370點，但係今日應該會企番穩，中央宣佈多項新措施支持香港，受惠嘅股份料會繼續炒高，而近日強勢嘅H股亦好大機會食住個勢推上。大藍籌股方面，滙控（005）會繼續受集資傳聞困擾，地產股未來一段時間相信可以造番好啲。
長實C輪15766：長實（001）上周五報收81.45元，逆市升2.58巴仙，睇嚟好快可以上試87元，破位就睇98元，可以諗吓隻C輪15766，現價25仙，有效槓桿2.3倍。
正股升上98元，15766可見37.6仙，有5成升幅，正股跌穿74元，就沽咗隻輪止蝕。
俊樺