【本報訊】運輸公司東主在明愛醫院門外求救不遂，目擊事件的一名清潔女工，覺得明愛醫院「見死不救」，「毀咗條人命，好可惜。」她又批評醫院不應一成不變，只懂得按制度及指引工作。
該名不願透露姓名清潔女工（圖），在明愛醫院懷明樓附近大廈工作，她憶述前日事發經過，指聽到事主兒子連聲高呼：「老竇，老竇，唔好瞓呀，應吓我啦。」其後見他衝入醫院求救，但很快見他一臉無奈步出，口中念念有詞：「有冇搞錯呀，唔關佢事，又話急症室好忙，冇人落嚟。」
「醫院唔應該講制度」
她續稱，有途人亦跑入醫院找醫護人員，但未幾亦失望步出說：「詢問處話唔關佢事，淨係叫打999喎。」其間，一名男醫生途經為傷者急救，稍後有救護員到場，該醫生便交由救護員急救。
「唔好當成唔係自己職責，呢啲關乎人命嘅嘢，都應該用平常心（對待）。就算行唔開，都應該打電話叫人（醫護人員），有人落到嚟，救唔救得番就係另一件事吖。」
她又批評明愛醫院處事僵化及一成不變：「身為香港市民，呢啲事隨時發生喺自己身上，醫院唔應該講啲乜嘢制度，幫到人咪幫囉！」