在醫院範圍外有人心臟病發或有急病，究竟急症室醫生會否立即「飛身」出外救人？還是要度量一下病人是否身處醫院範圍？部份急症室醫生表示，如人手許可會立即派員出外救援，有沒有指引都應該彈性處理，「最緊要都係人命，唔係吓吓都要等白車嚟。」
沒指引也應彈性處理
有公立醫院急症室專科醫生指出，醫院對開馬路確實不屬院內範圍，未曾聽聞醫管局有院外範圍急救指引。但他強調，就算沒有指引也應彈性處理，急症室醫生收到消息會即時前往搶救，「同一時間都應該打999，大家設施可以互補。要睇病人需要，最緊要都係人命，唔係吓吓都要等白車嚟。」這名醫生又指出，以往公立醫院鄰近診所發生突發事故，也會直接致電或派人到醫院要求支援，再由急症室派醫生到場急救。
另一名資深急症室醫生表示，急症室經常會被召到意外現場搶救傷者，一般「收call後5至10分鐘要執齊嘢出發，最主要帶係暢通氣道同強心針，我哋唔會帶除纖器，因為白車入面有」，至於醫院外有人需要急救，「我會睇急症室係咪得番一個醫生，如果係就即係搵人支援，確保急症室有醫生救人，然後派人出去搶救，但可能都係消防快過我哋到現場。」
本報記者