馬會籠絡區議員嘅「十八區盃」噚日舉行第二屆賽事，有成200幾個區議員、地區體育會主席、地區組織代表出席，當中唔知有幾多人以前反對過馬會開投注站？
馬會主席陳祖澤話，金融危機會影響馬會業務，有幾嚴重佢冇講，總之希望各界多多支持馬會，馬會亦會竭盡所能，維持慈善捐款同政府稅收穩定。民政局常秘尤曾家麗噚日都有入場，向區議員硬銷出年舉行嘅東亞運，透露主題係「文化東亞」，希望結合文化、運動同娛樂，畀健兒同觀眾深入認識香港。香港今年協辦奧運馬術賽，尤曾家麗話賽事好順利做足100分，希望東亞運一樣咁成功，可以做足120分。