同行間競爭之大，行外人很難理解，但正所謂出外靠朋友，行家在競爭層面以外，彼此關係也可以不錯，互相幫忙常有之。
有次晚間拍攝始發現閃光燈電池訊號微弱，幸有行家借出電池，小記才得以順利完成任務；又有一次小記大意把讀卡器放在酒店，也需借用行家的；前幾天讀一些日文文章，更要日本記者幫忙翻譯。
當然，也有行家向頗為冒失的小記求助，例如有攝記的記憶卡忽然失靈，向小記急借救亡；還有一位法國記者乘個多小時車才抵達利加大學的操練場，問小記可否給他乘便車，一同前往傳媒室。
獲贈馬勒當拿光碟
後來才知這位記者大有來頭，他是法新社駐法國的西班牙體育記者；因為語言上的便利，他還介紹一位阿根廷足球作家給小記認識，還送了一張馬勒當拿光碟（圖）給小記留念。記者常過非人生活，但擴闊眼光和圈子的機會，卻是千金難買。
《花絮》
貝碧托夫不停抹鼻
上周六下午，曼聯進行賽前最後操練，正副選球員全部到齊；嚟到日本後染病嘅貝碧托夫，狀態仍未見起色，練習途中時不時捽口捽鼻（圖），一臉憔悴。
松代直樹耿耿於懷？
今日爭季軍嘅大阪飛腳，大軍入住鄰近日產球場嘅酒店，小記與不少球迷也選擇在此下榻；昨晚採訪利加大學操練，剛好在酒店門外碰見飛腳門將松代直樹（右）；顯得悶悶不樂嘅佢，唔通因為準決賽俾曼聯攻入5球，𠵱家仲耿耿於懷？
米積杜域笑費Sir失控
C朗又捲入轉投西班牙豪門皇家馬德里傳聞，曼聯領隊費格遜已於上周在日本開火，指不會跟混混（暗指皇馬）打交道；相距半個地球，皇馬總監米積杜域日前還火，指費Sir已經失控，是不重要的人物。
川崎前鋒晒紀念品
06、07年世冠盃嘅歐洲代表巴塞隆拿同AC米蘭，比賽期間都有借用川崎前鋒嘅主場操練；前鋒為隆重其事，大門入口處還放有兩隊嘅簽名球衣（圖）。今次曼聯大軍又係喺前鋒球場練習，相信有求於人，曼聯都會幫佢哋簽名。
