今日〈你想知 想講 想問？〉問題見刊各版，請即上《蘋果》網頁http://appledaily.atnext.com留言喇！
或電郵至mailto:[email protected]
傳真：37112411
手機短訊：63836568
本欄會選登部份讀者的回應。
●亞洲遊戲展入場人次較去年下跌兩成，商戶表示會「蝕錢離場」，你認為問題在那？
黐線！要成30元入場，梗係人流減少喇…你睇吓深水埗的電腦節？啲人覺得就算唔買，睇吓都不會蝕錢先。──kkarin0749
年年都有，咁多所謂限量版邊有Market呀！戇居！──Lilojo
●運輸公司東主疑心臟病發，被送往明愛醫院正門時遭詢問處職員冷待，他最終失救死亡，你的意見為何？
…唔好將做又三十六，唔做又三十六呢套搬入醫院度。有位兄台講得好啱，唔通消防局對面火燭要先打999啲救火車先出動？差館外有人打劫又要先報警？真係荒唐!!──CL222
如此冷血現象在大陸時有所見，危急病人無錢，醫院不會搶救的。但在香港出現，特別是在教會醫院委實令人震驚，香港越來越大陸化喇。──sealy
在上幾星期前，有在九龍區醫院做的朋友對我說，就算急症室門外有病人暈咗或事故，醫院內的工作人員都唔可以自行處理，要按程序叫打三條9先，等有關部門先行處理才可以交給急症室跟進，否則後果自負。所以醫院無人出來救人是好正常。──OC
程序係死嘅，人係生嘅，明知有人暈咗，都見死不救，怕「麻煩」，呢啲人唔應該再繼續留響醫院工作，留佢響度只會遺害更多遇急病/意外等救援嘅病人！──AngelHK