【深圳直擊】蔡少芬（Ada）昨日現身深圳，為玩具大王女兒蔡加敏開設的名牌手袋店HotSquare剪綵，Ada與倪震舊愛陳法蓉十分老友，問到她對倪震與周慧敏忽然宣佈結婚有何感想時，她說：「佢又唔係我親人朋友，不過佢哋係一對金童玉女，都戥佢開心。」
無意傳教
問到Ada會否向倪震傳教，她說：「佢都唔係我朋友，雖然身為基督教徒係有義務傳教，乜嘢身份地位都會傳，不過唔係我想傳就得。」
Ada昨日剪綵獲六位數字酬勞，更可在店內挑一個Herm囗s手袋作禮物，她笑說：「都唔好意思，不過可能都會揀埋honey嘅聖誕禮物，我哋重心意多過重牌子。」其舊愛劉鑾雄（大劉）十分愛Herm囗s手袋，問到大劉有否送過給她時，Ada即顯得有點不悅，說：「送畀你？乜你哋問埋啲咁奇怪嘅問題，冇收過。」
此外，蔡加敏昨日與夫婿帶同囡囡Chelsi到場，更帶囡囡到她新投資的遊樂園玩掟公仔，她說：「啲公仔係我設計，個女畀咗唔少靈感我，今日雙喜臨門，除咗開新舖，爹哋都拉頭馬。」
採訪、攝影：葉雪